Adhoora..

Ki ek hasti subah tum fir jagaogi..
Ek sard raat tum fir gungunaogi..
Bahon me jakde, shayd fir kabi sulaogi..
Narm hoton ka sukun mere maathe pe sajaogi..
Is chah me jee raha hu ..
Ki zindagi ke kisi mod par..
Tum haath thame saare ashq bhulaogi..

Khalaaon me saans lena sikhaogi..
Is hayaat se talkhiyaan mitaogi..
Mehav se is man ko shaadaab mehsoos karogi..
Ruhguzaaron se kaante hataogi..
In khaar-zaaron ko jalaogi..
Jaade ki subah, saanson ki grami se uthaogi..

Ek dhalti shaam tum sath diya jalaogi..
Gudaaz haathon se tum fir khilaogi..
Ki ek poori zindagi tum saath bitaogi..
Is adhoore ko maut me bhi apnaogi..
Mere manyamini me sukesh ban aaogi..
Ki ek khawab hi sahi..
Magar tum teergi se suhaon tak le jaogi...

Sukesh